Am Schärme Lyrics & Chords By Patent Ochsner

es wäit e schtyfi bise vom meer här
die schmöckt würzig & nach fisch
mir läcke üs uralti wunde uus
& d wäut schteit uverschämt & schtill
we sie mi seechrank küsst
I ha'res gar nie gseit
ha's aber ging scho gwüsst
sie isch die beschti won I yeah ha gseh
mir si fiebrig gsi im chüelschrank
vom ne frömde land
hei d gränze gseh & nüt drglyche ta
hei keni ouge, keni ohre gha
ke nase & kes muul
ha‘ res gar nie gseit
hätt's aber denn scho gwüsst
sie isch die beschti won I yeah ha gseh
jitz schteit sie lässig a dere wand
wo üs immer wieder mal het trennt
verschänkt & verschüttet milch & bluet
vo mir uus sogar d sintfluet
& de lige mir arm in arm
ha'res gar nie gseit
ha's aber ging scho gwüsst
sie isch die beschti won I yeah ha gseh
für die nächschti rund uf em karussell
uf em hängscht oder uf em schwan
zahle mir ke rappe
& gäbe o kes pfand
es chunnt äbe so wie's chunnt
& so wie's chunnt
chunnt's äbe guet
ha'res gar nie gseit
ha's aber ging scho gwüsst
sie isch die beschti won I yeah ha gseh