Dr Letscht Wolf Lyrics & Chords By Peter Reber

Anno 1947, e graue Tag isch's gsy
E Tag, wi jede anger, nume nid für di
Wär weis, wi lang si gsuecht hei, wyt i dym Revier
Bis si di hei gfunde, zmitz im Visier
Itz wei si dys Läbe, dr letscht Wolf müessi ga
Über alli Bärge, louf, solang dr Atem ma
Hie bisch du verlore, bisch gächtet und verdammt
Bisch ne z frei und z anders, hesch ke Platz meh i däm Land
Vo dir verzellt me Gschichte, di schtrübschte, wo me cha
Jede weis chly z brichte, für alls muesch häreha
Drum müessisch itz verschwinde, dr Platz hie sygi z chly
Wed chönntsch, de würdsch se frage, wär zersch hie syg gsy
Itz wei si dys Läbe, dr letscht Wolf müessi ga ...
Vo wyt sy si cho luege, ds Unghüür isch erleit
Wo si di mit Jutze i ds Tal abe hei treit
Chly und still bisch gläge, töt us Unverstand
U wider isch chly Freiheit gstorbe i däm Land
Itz wei si dys Läbe, dr letscht Wolf müessi ga ...
Bisch ne z frei und z anders, hesch ke Platz meh i däm Land