Dr Moentsch Isch Wie Dae Wo Dr Zug Het Verpasst Lyrics & Chords By Mani Matter

Dr Mönsch isch wi dä wo dr Zug het verpasst und sech
D'Frag nachhär gstellt hät, wieso
Ond gseht, dass sy Uhr äbe hinderschi isch gange
Und dänkt: "Das söll nömme vorcho!"

Ond geit sech för ned no dr nächscht Zug z'verpasse
E besseri Uhr go erstoh
Ond won er drmit uf e Bahnhof zruggchunt
Isch dr nächscht Zug halt ou scho nümm do

"Das chunnt halt därvo!, dänkt er, "dass i nid gröndlich
Dr Fahrplan ha gläse vorhär!"
Ond list ne du gnau, bis er gseht, dass inzwösche
Grad weder en Zug gfahre wäre

"Jetzt blyben i hie uf em Perron!", so nimmt er sech vor
"De verwüsch i ne scho!"
Und blybt dert und wartet – da fahrt ihm dr Zug
Uf em andere Perron dervo

So steit er no geng uf em Bahnhof desume – das heisst
Wenn er ned gschtorbe esch!
Und während er wartet uf d'Zög, won ihm ab sy
Geit ihm dr nächscht ou scho dor Büsch