Dueil Angoisseus (christine De Pisan, 1362-1431) Lyrics & Chords By Peste Noire

Doulçour, bonté, gentillece,
Noblece, beaulté, grant honnour,
Valeur, maintien et sagece,
Humblece en doulz plaisant atour,
Conforteresse en savour,
Dueil angoisseux secourable,
Acueil bel et agreable.
Flour plaisant, de grant haultece
Princece, ma prisiée amour,
Tour forte noble fortresse,
Largece en honneste sejour,
Deesse, estoille, cler jour,
Oeil, mirouer aimable,
Acueil bel et agreable.
Coulour fine, vraie adrece,
Tresce blonde, et bonne oudour,
Ardour, souesve simplece,
Parece sanz nulle foulour,
Lucrece de simple cremour,
Brueil de soulas delictable,
Acueil bel et agreable.
Maistresse loyal, ma tenrour,
Leesse plaisant, ma doulour,
Vueil dire a vous trés louable
Acueil bel et agreable.
[Off voice:]
Dans le monde beaucoup d'hommes et de femmes, beaucoup d'enfants sourds et
malentendants sont coupés de toute communication.
Etrangers au milieu de leurs frères, bléssés par ceux qu'ils aiment.
Que le Seigneur les accompagnent pour que leurs yeux et leurs mains soient
signe de la réconciliation.