El Disgrazià Lyrics & Chords By Nanni Svampa

Al paes indove seri sfollaa
mì me ciamaven "el desgrazziaa"
anca se stavi di mes in cà
mì seri semper "el desgrazziaa".
Mì gh'hoo fa negott de mal a nissun:
stavi indepermì sotta la mia luna.
Ma la gent la dis mai de sì
a quei che la pensen compagn de mì:
nò, la gent la te da del locch
se te veet minga indove che vann lor.
Quand ormai t'hann classificaa
te sareet semper el desgrazziaa.
Quand la gent la ciamava el re
mì andavi avanti a lavamm i pè,
quand gh'è staa la revoluzion
mì seri in lett cont el rafredor.
Mì gh'hoo faa negott de mal a nissun
se son minga andaa a sonà el trombon.
Ma la gent la dis mai de sì
a quei che la pensen compagn de mì:
nò, la gent la te da del locch
se te veet minga indove che vann lor.
Quand ormai t'hann classificaa
te sareet semper el desgrazziaa.
Quand vedevi on quaivun scappà,
con dò michett per podè mangià,
mì spettavi sconduu i polee,
poeu ghe fasevi el sgambett dedree.
Mì gh'hoo faa negott de mal a nissun
a lassà mangià quei che hann faa la guerra.
Ma la gent la dis mai de sì
a quei che la pensen compagn de mì:
nò, la gent la te da del locch
se te veet minga indove che vann lor.
Quand ormai t'hann classificaa
te sareet semper el desgrazziaa.
On bell dì hoo cattaa su i mè strasc
l'era d'inverno e 'l faseva fregg,
senza digghel al scior curaa
hoo faa i valis e son tornaa cà.
Mì gh'hoo faa negott de mal a nissun
seri indepermì anca a la stazion.
Ma la gent la dis mai de sì
a quei che la pensen compagn de mì:
nò, la gent la te da del locch
se te veet minga indove che vann lor.
Quand ormai t'hann classificaa
te sareet semper el desgrazziaa.