FreikÖrperkultur Lyrics & Chords By Allschwil Posse

Mir läbe unser Läbe gege d'Zensur, unsri Wält isch us Beton, aber nit nur
Trotz Bandekrieg und Ghettokultur hämmer au Sympathie für d'Natur

Im Summer göhn mir gärn go bade, Egli fische und Hummer jage
Jo, das git e gueti Luune mit Flosse, Schnorchel und Harpune

Aber Brueder halt, vorsicht, jetz hänsi prichtet, unsre Rhii, dä sig vergiftet
Well si z'Holland ohni Gwüsse di ganzi Ziit ins Wasser pisse

Und im Fall au bi uns, bi Schwiizerhalle, wo si Gift und Galle in Rhii ine knalle
Das wo si döt ins Wasser pumpe, das macht mi nit aa zum iinegumpe

Im Rhii, do willi nümm go schwimme, wenn si en mit Schissdrägg dünge
Will s'Wasser vertammi in de n'Auge brennt, und vilicht wirsch sogar no inkompetänt

Uuh das willi nit riskiere! I au nit, i will riichi Töchtere verfiere
Aber trotzdäm willi ohni Schade im Summer gopferdammi neime könne go bade

Hey hey hey Brueder, kei Problem, so gege n'Obe gömmer übre zu de Schwobe
Das isch dr glaini Gränzverkehr zu unsrem gheime Baggersee

Freikörperkultur, fudiblutt in dr Natur

Do isch Schluss mit Schtress und Krise, tiefblaus Wasser, e früschi Brise
Feini Krüter, gschützti Pflanze, Summervögel wo druff tanze

Glaini Bäum und Bombekratur, schtatt "Salli Bolle" seit me "Pitschku mater"
Hey, sovill bürokratisch verschtandich denn aber scho! Vo wo? Dänk ussem Kosovo

Das isch dr glaini Gränzverkehr an unsrem gheime Baggersee

Freikörperkultur, fudiblutt in dr Natur

Di modärni Wält isch schnäll vergässe, es heisst gfrässe wärde oder sälber frässe
Es bewussters Läbe, vo dr Hand diräkt ins Muul, usem riiche Angebot vo dr Natur

Wildi Beeri, sältni Vogelarte, es het alles was me bruucht, es isch wie imene grosse Garte
Schtolzi Sukkulente und e Milliarde wunderbari Pilzli in de schönschte Farbe

Mir schisse uf Hygiene und uf Körperpfleg, mir sin Affe imne riisige Freiluftgheg
Mir bliibe a däm tolle Baggersee, verscholle im glaine Gränzverkehr

Freikörperkultur, fudiblutt in dr Natur, free body culture