Furt Lyrics & Chords By Stiller Has

Der Hene dä isch furt
u niemer weiss wieso
Är het no hurti s Stäge gfägt wie gäng
u isch nie meh umecho
Am Fahnemascht bim Sandchaschte dert
da hangt sy blaue Schurz
aber der Monetszins vom ganze Block
isch mit em Hene furt
Go Hene go, go go
Go Hene go, go go
Go Hene go
We mer chönnte, mir giengte ja ou
Der Hene dä isch furt
niemer hätti sich das dänkt
niemer, dass är nid sich sälber eines Tags
sondern nume sy Abwartsschurz ufhänkt
Der Hene dä isch furt
itz suecht ne d Polizei
u si wei wüsse wo der Hene häre isch
aber der Hene chunnt nie me hei
Go Hene go, go Hene go
Go Hene go
Go Hene go
We mer chönnte, mir giengte ja ou
Malaria in Pattaya
u ds Fieber i de Trope
Tuusig mal besser, seit sech der Hene
als jede Samstig Sunntig brätle mit dene Idiote da
Der Hene dä isch furt
will är eifach nümme ma
u är het Servela nid eso gärn so wahnsinnig dürebrätlet
U är gniesst jede Meter zwüsche sich und em Hohlenacher, jedi Sekunde u jede Tag
Go Hene go, go Hene go
Go go go Hene go
Go Hene go
We mer chönnte, mir giengte ja ou
U ou der Leischt isch nid begeischteret
dass sech der Hene sone Seich het gleischtet
dass er so entgleist isch nach allem woner
füre Leischt het gleischtet
Dass der Hene so verseit het u niemerem nüt gseit het
Am Fahnemascht bim Sandchaschte dert, luegit Giele
also luegit dasch es Bild also
Der Hene füehrt es bessers Läbe, zärtlech, frei vertröimt u wild
Go Hene go, go Hene go
Go go Hene go
Go Hene go
We mer chönnte, mir giengte ja ou
Go go go go go go go go go go Hene go go go Hene go
Go Hene go
Go Hene go
We mer chönnte, mir giengte ja ou