I Söba Lyrics & Chords By Wolfgang Ambros

Wie sehr i mi a onstreng, und wie sehr i mi bemüh',
Wie sehr i ma bewusst bin und wie sehr i mi erweitern wü,
Und ob i auf a Wunder hoff' und doch die Wirklichkeit obsiegt,
Und ob i vor an Abgrund steh und net seh,
Dass a Bruck'n d'rüberliegt.
Und ob i völlig fertig auf der Erd'n pick,
Oder ob i nimmer aus und ein waaß vor Glück,
Ob i verzweifelt bin und dementsprechend zu viel trink',
Oder ob i übern höchsten Berg spring,
Es reduziert si immer wieder auf mi söba
Und die Liader, die i sing'.

Wie moch i's nur, wos kann i tuan,
Wie soll i mi befrei'n?
Mei Haut wird ma zu eng,
Am liebsten möcht' i schrei'n!
Mir söba ausgeliefert,
I was goa net wie ma g'schiecht,
I tapp amoi im Dunkel
Und dann steh i pltzlich wieder im Licht.
Und amoi geht's ma guat
Und amoi geht's ma schlecht,
Die Euphorie is künstlich
Nur die Depression is echt,
Und amoi moch i's richtig und dann bin i da King,
Dann moch i's wieder foisch und bin da Widerling -
Es reduziert si immer wieder auf mi söba
Und die Liader die i sing.

I wü nur sein so wie i bin, i wü mi ned verstö'n,
In Frieden wü i meine Liader schreib'n und bitte nimmer quälen!

Manchesmoi verhüll' i mi,
Dann bin i wieder nackt,
Wenn's wü, kommt des G'fühl,
Des mi vereinnahmt, des mi packt.
Dann bin i der Ureigenste,
Dann bin i ganz der Selbste,
Und dann überschätz' i mi,
Und klarerweis' verletz' i mi aufs Gröbste.
I komm von nirgendwo und geh nirgends hin,
I waaß a nimmer wann und wo i geboren bin
I bin afoch do, und i bin schlimm,
I gib viel zuwenig für des wos i nimm -
Es reduziert si immer wieder auf mi söba
Und die Liader die i sing.