La Busa Noeuva Lyrics & Chords By Nanni Svampa
In la mia strada gh'è ona busa noeuva,
'na busa noeuva che ier la gh'era nò:
l'hoo minga vista, porca d'ona Eva,
quella busa noeuva, e PAM!, son borlaa giò.
Tutt incazzaa hoo dii: "Voo in del sindich"
m'hann dii de andà a parlà a 'n sportell;
sont andaa là e gh'hoo dii: "Ma come!
Gh'è in gir i bus senza cartell?!
In la mia strada, sì, ona busa noeuva,
'na busa noeuva che ier la gh'era nò,
me son faa mal tutt chì su la gengiva
in de la busa noeuva, e me fa mal ammò!"
El fa "Ma a mì, cosa m'importa
de la soa busa, cosa gh'entri mì?
Che 'l vaga su al quint pian, segonda porta:
l'è competenza del reparto C!"
Sont andaa su fin al quint pian de corsa:
quand son staa su, dopo m'hann mandaa giò;
m'hann mandaa giò in on'altra stanza,
e quand son staa giò, m'hann mandaa su ancamò.
Gh'hoo dii a tucc: "Lì gh'è ona busa noeuva,
'na busa noeuva che ier la gh'era nò!
Ne la mia strada, besogna riaquattalla,
sennò, porca sidella, doman l'è lì ancamò!"
Soo proppi nò comè la sia:
m'hann faa girà comè on merluzz
per trovà quell che poeu el saria
el competent de stoppà i bus.
El dis "Che 'l faga ona domanda
poeu dopo me la porta chì
cont ona foto bella granda
formato 2x23".
E mì hoo scritt giò che gh'è ona busa noeuva
ona busa noeuva che ier la gh'era nò
ne la mia strada; ghe voraria ona foto
ma la mia machinetta l'è rotta e poeudi nò!
Sont vegnuu via incazzaa 'me on negher,
son andaa cà e l'era ammò lì;
ghe passa on ghisa, gh'hoo ditt "Che 'l senta!",
l'ha minga vista e gh'è andaa denter fin chì.
E mì gh'hoo ditt: "A l'è ona busa noeuva,
ona busa noeuva che ier la gh'era nò.
Adess che gh'è andaa denter lu che l'è on ghisa
che 'l vaga e che ghe disa de quattalla giò!"