La Prima Tusa Lyrics & Chords By Nanni Svampa

Te poeudet savè pu la storia
de tucc i guerr e i generai
de tucc i Pater, Ave, Gloria
che hann faa cantà i nost cardinai.
Però, finché scampom, gh'avremm in del coeur
la prima tosa ch'emm portaa a fà l'amor
la prima sgarzolina ch'emm poduu ciappà in brasc:
guardàss in fond ai oeugg, pareva nanca vera!
La podeva vess 'na tosetta per ben,
opur 'na sguangetta giamò in gir sui Bastion:
te ghe l'avareet semper, stampada in fond al coeur,
la prima tosa ch'emm faa a l'amor.
Soo pu indove l'è la Margherita
e soo pu nient de la Ninin;
nanca el negozzi de la Ritaa
soo nò l'è ammò in via Durin.
Però, finché scampom, gh'avremm in del coeur
la prima tosa ch'emm portaa a fà l'amor:
emm faa anca on bell afari, te se regordet pu?
Gh'emm daa la gioventù per ona margherita.
Te podevet vess intappaa 'me on scioron,
opur in d'on praa come i can e i barbon:
te ghe l'avareet semper, stampada in fond al coeur,
la prima tosa ch'emm faa a l'amor.
Tì te m'eet daa on quaicoss che dura,
l'unega robba ammò che var:
te voeuri ben compagn de alora,
te seet staa tì l'ultem Natal!
'Me l'è che se fa podè desmentegass
la prima tosa ch'emm poduu ciappà in brasc?
Gh'è poch de fà el bauscia: quand te l'eet vista lì
biotta, vesin a tì, te seret ross 'me on gamber!
Va ben che de alora de temp n'è passaa,
de donn a n'emm vist, portaa in lett e sbiottaa;
però te gh'avreet semper, stampada in fond al coeur,
la prima tosa che t'eet faa a l'amor.