Mattanza Lyrics & Chords By Mattanza
Pe' secula jettammu la tunnara du scogghiu d'a catina all'atru mari la trappola calava para para na squatra di summastri marinari pe' l'arcu du pedali, tutta nzema, quandu mancava ventu e puru a rema. Allura, arràsu l'ordini dunava "calati a rizza comu voli diu!" po' cubbra 'na musciara secutava "a mari a tutti vi cumandu io! ma stati attenti, o testi di cazzuni, ca nderra vi cumanda lu patruni!" E doppu chiù simani di lavuru pemmu si mendi a postu tutta a rizza arrasu si facia nu poci scuru e no' mustrava troppa cundendizza sapia ca s'a tunnara no piscava la curpa sulu iju ognunu dava. Ma quandu portanova si movia mu chiudi i tunni d'indra la tunnara arrasu subbra 'u sceri abbiviscia senza sindiri cchiù la bucca amara "levamu a tunni, fati lu signali! azati la bandera nazzionali!" La rizza di la cammara d'a morti vicinu a capparrassu si tirava cu dui musciari e marinari forti e cu l'ancini i tunni s'ammazzava candandu " chista morti chi vi damu ndi servi pe' lu pani chi mangiamu!"
