Ruhetag Lyrics & Chords By Baze

När dä sunnti im jäner
Sunnti wi mängä – lug wi hüt no bluet a dä wänd chläbt
Egau vo afang – är steit uf luegt usem fänschter
Ufe schnee wo vorus unger dr sunne verändet
So wi är , a denä täg wosne vo inne uffrisst
Nach denä nächt, mit viu zviu gift, viu zviu strit
Viu zviu nume so ta aus wäri doch
Da isch nüt aus lääri, lüt wosnid wärt si
Är hettsch abgfunde drmit, steit oft am abgrund
Glich, gitts o paar stunde vou glück
U di sis wärt – ehrlech s chönnt beschissner loufe
Är het ä job ab u zue e frou, ja es chönnt beschissner loufe
Äbä sunnti, unger duschi, 2 alka selzer
Luti musig ihm geihts uf ei schlag besser
Iz muess öppis i mage, rafftsech uf - nimmt di
Paar schritt zur tanki

U dusse trifftr paar lüt, louftsech übere wäg
Ab u zue wird grüesst füehrt sinnlosi gspräch
När geiht jede si wäg jedä isch nur frei i
Sine vier eigete wänd,
Iz nume no hei scheisse schiebts pizza i ofe
Spieut no es game, zieht amne verblibne ofe
Wix zumne miise porno mit sore miise blonde
Wo so luut quitscht aus wärsi vo inne här grostet
När lige schlimmigi tropfe igwicklet i schissi
Papier vor im ufem bode, im gring inne pochets
Inmitte vo bigine hose shirts stinkegi socke
Wird ihm bewusst wi ner versifft i däm loch in
Auso irrtr wi wiud dür di wohnig
Fat afa putze ufdr suechi nachere innere ordnig
Chleider wäsche o wes nid erloubt isch am ruetag
Dr nachbar tobt aus hätter sini gschissni muetter umbracht

U dä wixer schreit immer no ume
Är zeigt ihm dr finger ey figg dini muetter
Dräit geiht widr ufe, schliesst sini tür zue, fänschter uf
Und är steit idr sunne, s isch sunnti

Mann isch dä hartnäckig dä wixer, är het angeri problem
Aus sich nach waschplän richte, doch dä hört nid uf
Schlat mit de pfüscht fasch sini türi
Probiert no ruig z blibe doch langsam wirdr wüetig
Iz gnue heu dunge i däm block vou polizischte
U wenersech nid sofort verpissi, verhouerim dfritte
So stösi oug in oug, chöpf rot wi radisli, au luege
Ir hoffnig chöpf roue wöu ja süsch nüt passiert hie
Scho ---- packtne dä wixer ar gurgle
Houtim mitere scheiss pfanne ufe gring, bis de mau z bluet fliesst
Ab denn isch fiumriss um in ume kreise d stärnä
U duss hetts afa rägnä - scheiss sunnti

Doch s wär nid dä sunnti, nid dä sunnti im jäner
Ei sunnti im läbä, eine wo so bluetig ändet