Sügamara Lyrics & Chords By Davide Van De Sfroos

La giurnàda l'è scrivüüda in sô fuund del sò büceer
culuràda in rùss e in negru cume i culzòn di Carbinieer,
Sügamara el solta giò de la sua motu tarucàda,
el vàrda in giir cun't i sò ôcc che g'hann l'effetto de una pesciàda,
l'è staa de scià, l'è staa de là, l'ha divurziaa, l'è naa in presòn,
el supporta piô la radio, i ciclamini e gnaa i peviòn...

Sügamara... Sügamara...
Sügamara... Sügamara...

Sügamara salamandra, anima in pena, facia de màtt,
cicatriis cume un suriis, destén che paga mai riscàtt,
un medagliòn cun deent un bôcc de quaand i g'hann sparaa in Türchia,
l'è fô di strasc, l'è fô de coo, l'è en aria cume una funivia...
Tutta sta gente culuràda, tràda in gìrr cumè Shangai,
lüü la sa, lüü l'è convinto, l'è stad la causa de tücc i sò guai...

Se gh'ii de vardà... se gh'ii de vardà...
Ii mai vedüü el dado intaant che l'è dree a girà
Se gh'ii de vardà... se ghìii de vardà...
L'è l suriis che fa la pistola... prema de sparà...

Intaant che'l mangia una banana el fa el disègn per una rapina
el tira fô una rivultèla con scritto sopra made in Cina,
Sügamara cuore diesel, cun't i zanzaar in del cervèll,
vita storta e senza filtro, sistemàda cul martèll...
Cumè un pirata della Malesia, cumè un pilota de la malura,
apucaliss cun scià el Gilera che de rüva' veed mea l'ura

Sügamara... Sügamara...
Sügamara... Sügamara...

Occhiali da tafano dell'autogrill di Fiorenzuola,
entra in banca el riid, el vusa, el tira fô la sua pistola:
"Vôri mea speend pruiettil, quindi fô tücc i danèe
e pô ve làssi nà in giir ancamò cun't el muund suta i pee...!"
E lüü la sèra propi mea, perchè lüü l'è rüvaa incôô
ma l'omm de la del vedru a l'è propi el sò fiôô...

Se gh'eet de vardà, se gh'eet de vardà...
eet mai vedüü una pistola in man al to pà...?
Se gh'eet de vardà, se gh'eet de vardà...
Se gh'eet de vardà, se gh'eet de vardà
Tira fo i man del cassètt, el soo cusa te voret fa
Se gh'eet de vardà, se gh'eet de vardà
Podet mea fermà un dado intaant che l'è dree a girà...