S Kennt Ne Kene So Gnau Lyrics & Chords By Plüsch

Me seit är sigi komisch är sägi nie nüt, u luegi jedem hingenah
U me meint er sig e Dumme andri bhoupte är heigi halt
e schlimmi Chindheit gha
Aber niemer hät sich mal gwagt u hät ne eifach mal gfragt,
bis a däm ganz normale Tag passiert isch, was sich niemer hätti träume lah
Es isch churz vorem Mittag,
d'Uhr macht tic tac bis dr Gugger usem Zytli springt
I sim Huus ghört me Duschi une Stimm wo verstumme irgend
sone Schnulze singt
E Limousine vor dr Tür, im schwarze Aazug dr Chauffeur
U jede dänkt was wott dä dört,
alli schnurre oder murre das mes bis i ds nächschte Dörfli ghört
Nei, s'kennt ne kene so gnau hie nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Si heigis ja scho geng gseit,
heisi denn gseit, u d'Fantasie het dr Räschte tah
Jede wos witer verzellt het,
het no chli meh gwüsst u no chli spannenderi Gschichte gha
Und uf ds mal het niemer meh glacht, geng neui Grücht hei d'Rundi gmacht
U niemer hät dr chlinscht Verdacht gha das da irgendöppis
nid ganz stimme cha
Nei, s'kennt ne kene so gnau hie nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Ischs nid faszinierend wie schnäll s'geit, das e falschi Wahrheit
I de Chöpf vo de meischte Lüt verankeret isch
Dass sich Meinige bilde wo fasch für all vo dene gälte,
Obschon dass kene würklech weis was falsch u was richtig isch
Doch das isch es i dr Tat. U drum het niemer mal gfragt
U so weis tatsächlech niemer bis zum hüttige Tag
Dass dr Typ mit dr Limousine sich verfahre het
U nume grad bim nächscht erscht beschte Huus nach em Wäg het gfragt
Nei, s'kennt ne kene so gnau hie nei, s'kennt ne kene so gnau
Nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht
Nei, s'kennt ne kene so gnau
Wär ihm uf dr Strass begägnet isch, dä het e grosse Boge gmacht
Jetz stuune si alli, uf ds mal wetti jede mit ihm rede,
aber kene wo dr Aafang macht