Schiiwörfer Lyrics & Chords By Breitbild

ii han schiiwörfer im gsicht, ii schwitz, ii surfa durch städt & dörfer, wörfa wörter ins nichts & si wörfen körper an körper as isch a massa wo sich holt was si immer öfter vermisst. unter 16 nüma usa, alli bars ab 21, 117 hola falls in da gassa aina tanzt, in dr nacht nüm dussa umalaufa dörfa mitma …, alli junga wegwiisa usem öffentlicha ruum. was dia alta no hend dörfa das dörfen si nid, dia law-&-order-politik vo dena ört wia dr schwiz git na z'gfühl si hegen ihri söhn & töchtera im griff doch si hends nid, nai, miar hend schiiwörfer im gsicht
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
si hend schiiwörfer im gsicht, si nicken & wörfen zu da wörter woni usalohn dr finger ins nichts. uf & ab, eskalateur, eskalationa vermisst ma schneller als ma maint so ohni emotiona im gsicht. spötestens wenn ma dr letschti funka hoffnig an sich mit as paaar flüssiga substanza & ara nodla erlischt verlürt an wert was zwar utopisch aber doch aswo isch, & nüma klappt will ma vor luter zwiifel woga vergisst. frog mi bitte nid nach bullshit, wo do d'schuld liggt wenn luaga & nüt tua generationa versifft. si mainen zwar si kriagen all das mit paar wörter in griff, doch si gsehns nid, si hend schiiwörfer im gsicht
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
d'bühni isch iiglüchtet, d'schiiwörfer blenden, d'bretter wo d'welt bedüten, si brennen. uufständ in dörfer, in städt & länder, verblendet worda durch fraua & männer mitma gwüssa alter, mit gwüss verpasster jugend wo nid verstönd dass d'jugend suuft wenn erzüchig haisst dass alles untersait isch, verbota, nid tragbar drum sind d'kiddies belaidigt. d'schiiwörfer sind ufgstellt zum si blenda, si gsehns as biz anderst, könd sich guat druf iistella, gsehnd dia schiiwörfer als rampaliacht & liabens wias isch, drum bsetzens weekend für weekend dia bühni für sich
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil
luag uf all dia liachter, schiiwörfer blinken im gsicht, send a SOS vomana sinkenda schiff & ii gsehn lüüchttürm im meer vo dr langwiil