Silwer Somer Lyrics & Chords By Amanda Strydom

Ha-ha-ha-ho-ho-ho
Kom mee, kom mee
Na my silwer, silwer somer
Word wakker my beminde, word wakker
Die lig lek stadig aan ons bed, word wakker
Die mossies en die duiwe sing n loflied vir die dag
Word wakker, ek wil saam met jou die sonsopkoms inwag

Maak oop jou oë beminde, maak jou oë oop en kyk
Hoe die kristal see in die môrestond se eerste strale pryk
Die branders en die meeue roep ons lankal, staan op!
Maak oop jou oë beminde, dis 'n nuwe dag wat klop

Hierdie silwer somer sal vir altyd by my bly
Die gladde blink dolfyne en die see
Die duine, die skulpe, die skuite en die son, en jy en jy en jy
Mmm ... jy, jy ,jy

Hoe mooi is jy beminde, as jy lui jou oë oopmaak
En jou kop lig van die kussings en saggies aan my raak
En dan skielik soos 'n kind op n Krismis oggend lag en sê: "Kyk hoe blink die bloudam".
Kom ons pluk die dag

Ons galop soos wilde perde teen die duin af na die see
Ek duik deur fris klein branders wat die eerste deinings gee
En dan vang ons die grotes, en ons ry hul na die strand
Waar ons uitspoel in die witskuim, tot ons oë begin brand
Hierdie silwer somer sal vir altyd by my bly
Die gladde blink dolfyne en die see
Die duine, die skulpe, die skuite en die son, en jy en jy en jy
Mmm ... jy, jy ,jy

Soos speel ons in die water, tot die honger begin knaag
Dan klim ons weer die duin, op waar ons huisie vir ons wag
Terwyl my liefste vuurmaak, dans ek tango's deur die huis
Op die liedjies uit die radio, langs die kas in die kombuis
Op die liedjies uit die radio, langs die kas in die kombuis

Hierdie silwer somer sal vir altyd by my bly
Die gladde blink dolfyne en die see
Die duine, die skulpe, die skuite en die son, en jy en jy en jy

Hierdie silwer somer
Hierdie silwer somer
Hierdie silwer somer sal vir altyd by my bly
Die duine, die skulpe, die skuite en die son, en jy en jy en jy
Mmm ... jy, jy ,jy
Jy, jy, ,jy
Liefste, Jy!