Spinnerin Lyrics & Chords By Arik Brauer

Ihr kennt's ja net die Spinnerin
Ihr seid's ja viel zu jung
Sie hat so wenig Zahnderln ghabt
Aber Löcher in der Lung
Sie hat in ihrer Kuchl
Sechs Meerschweindln zücht
In aner Kisnt unterm Kucheltisch
Die Luft war dort so dicht
So So, schau schau, aha!

Am Sonntag ist die Spinnerin
Im Koflaperk spaziert
Hat in an altn Kinderwagn
Die Meerschweindln gführt
Die Viecher habn so gstunken
Die Spinnerin hat gspuckt
Und hat se si amal aufs Bankerl gsetzt
Sind alle wegagruckt
So so, schau schau, aha!

Im achtadreißger Jahr
Der ganze Koflapark is marschiert
Da san in ernan Kinderwagn
De Meerschweindln krepiert
Wer net mit weiße Stutzen grennt ist
Halt si die Hand vorn Mund
Aber nur die alte Spinnerin
Hat gwusst was da no kummt
So so, schau schau, aha!

Was hängt denn durt am Klopfbalkon?
Da hängt a braunes Hemd!
Wer klopft denn da, wer schimpft denn da
Mit'm Pracker in die Händ?
"Du Hund, du Gfraßt, du Drachenkopf!"
Die Spinnerin hat gschrian
Und im Hof der alte Luftschutzwart
Tut alles aufnotiern
So so, schau schau, aha!

Da habn's de alte Spinnerin
Ins Häfn einezaht
Dort habn ihr zwei Gestapoteufeln
Händ und Fiaß verdraht
Dort habn's de stärksten Kummerer
Zerbrochen und zerdruckt
Ja nur die alte Spinnerin
Hat weiter gschimpft und gspuckt
So so, schau schau, aha!

Im fünfavierzger Jahr
Der ganze Koflapark hat brennt
Der Drachenkopf is gsturbn
Der alte Luftschutzwart is grennt
In Dachau geht des Türl auf
Was glaubst wer durtn außegeht?
Ja nur die alte Spinnerin
Hat alle überlebt
So so, schau schau, aha!