Toekomsrap Lyrics & Chords By Johannes Kerkorrel

Die toekoms is 'n grys gebied
Die aarde kraak nou oop
Die osoonlaag is vol gate
En die bome gaan dood
Koolstofdioksied in asem
Temperatiuur te hoog
Die natuur kan nog net soveel vat
Die atmosfeer is broos

Die toekoms is 'n grys gebied
Besoedeling loop hoog
Die lug daar in Johannesburg
Is chemies geel en droog
Hosanna vir die industrie
Hosanna ek voel siek
Rook peul uit die skoorsteen
Van fabriek op groot fabriek
Die toekoms is 'n grys gebied
Die negentigs is hier
Die boodskap uit Japan uit
Is rekenaarbeheer
Jy sien dit op jou video
Totaal lewensgetrou
Digitaal bemeester
En met remote control

Die toekoms is 'n grys gebied
Dit was 'n donker eeu
Wêreldoorlog een en twee
Hirosjima mon amour

Soldate vir die führer
Soldate vir die kroon
Soldate is kanonvoer
In die groot apartheidsdroom

Die toekoms is 'n grys gebied
Miskien is daar nog hoop
Troepe uit afghanistan
Troepe uit Iran
Die oorlog in angola
Uiteindelik verby
Namibia namibia
Eindelik bevry

Die toekoms is 'n grys gebied
Graffiti het verskyn
Op die groot muur in rooi china
Die muur in wes-berlyn val
Afrika is oop genoeg
Afrika is groen
En voor die eeu verby is
Sal ons hier die ding ook doen