Vithala Tu Veda Kumbhar Lyrics & Chords By Sudhir Phadke

फिरत्या चाकावरती देसी मातीला आकार
विठ्ठला, तू वेडा कुंभार!
माती, पाणी, उजेड, वारा
तूच मिसळसी सर्व पसारा
आभाळच मग ये आकारा
तुझ्या घटांच्या उतरंडीला नसे अंत, ना पार!
घटाघटांचे रूप आगळे
प्रत्येकाचे दैव वेगळे
तुझ्याविना ते कोणा नकळे
मुखी कुणाच्या पडते लोणी कुणा मुखी अंगार!
तूच घडविसी, तूच फोडिसी
कुरवाळिसि तू, तूच ताडिसी
न कळे यातुन काय जोडिसी?
देसी डोळे, परि निर्मिसी तयांपुढे अंधार!