Wol Auff Wir Wellen Slauffen Lyrics & Chords By Des Teufels Lockvögel

Wol auff wir wellen slauffen
Hausknecht nu zündt ain liechtel
wann es ist an der zeit
damit wir nit verkaffen
der letzst sey gar verheyt
das layen münch und pfaffen
zu unsern weiben staffen
sich hüb ain böser streit

Heb auff und lass uns trincken
das wir also nit schaiden
von disem guaten wein
und lämt er uns die schincken
so musst er doch hereyn her
her kopff nu lat ew wincken
ob wir zu bette hincken und
das ist ain klainer pein

Nu sleich wir gen der türen
secht zw das wir nit wencken
mit ungelichem tritt
was gilt des stowbs ein üren
Her wiert nu halt es mit
wir wellen doch nit züren
ob jr ew werdt beküren
nach pollanischem sytt

Her tragt den fürsten leyse
damit er uns nit felle
auff gottes ertereich
sein lob ich ymmer breyse
er macht uns freuden reich
ye ainr den andern weyse
wiert schlipff nit auff dem eyse
wann es gat ungeleich

Hin slauffen well wir waltzen
nu fragt das hausdierelin
ob es gebettet sey
das krawt hat sy versaltzen
darzw ain guten brey
so wollen wir nit kaltzen
sy hats nit mal geschmaltzen
der scheden waren drey.