Auftritt Lyrics & Chords By Wolfgang Ambros

De Sunn steht üba mir am Himme
es is schwül und furchtboa haß.
"In Soizburg reg'nts sicha wieda"
denk i ma - und steig aufs Gas.
Chiffrier mi auf de Autobahn
a Porsche kummt von hint'n, und is scho wieda weg.
I hob's ned b'sundas eulich heite,
i hob an Auftritt heit in ana Discothek.
De Buam san scho mit'n Bus vorausg'foan
de stö'n ma duat de Anlog auf.
De woa des letzte Moi scho wieda hin - i hoff, daß heite geht
oba i hob des Gfüh, de geht boid drauf.
Schen langsam kummt ma zu Bewußtsein
wo i do hinfoa und wos si duat ois obspühn wird.
De Angsoffenen und de Wahnsinns-Drängerei
der Gedank'n alla mocht mi scho miad.
Und irgendana haut ma fest auf'd Schultan
und sogt, daß i fia eam da Größte bin.
Und irgend so a anlassiges Groupy fliagt mi an
der sog i dann, daß i verheirat' bin.
Und olle woll'n si untahoid'n
wia's mir dabei geht, wos i ma denk, des kümmert de an Dreck
Oba des wird a vurbeigeh ...
I hob an Auftritt heit in ana Discothek.