D Party Isch Vrbi Lyrics & Chords By Baze

Ab hüt isch party vebi nümm i de bars
Umesüche mit nüt aus saft i dim gring
Keni gstrecktä lines uf dräckige wc dechlä
Durchzechti nächt ufemne scheiss bänkli ipennä
Ab hüt isch party vrbii u villech
Ziene ja ufs land mit gmüesgarte u vieh
U villech hürate di di frou woni lieb
Vorusse im hof tobe d ching, u d sunne glotztmr uf d stirn,
Doch ds isch sowit wäg, sowit wäg vo mir
Wäg vo hie wäg vom iz, was blibt isch lääri
Di riisige lääri , verdrängti erläbniss
Wo u einisch wider presänt si, i ma nid
Ab hüt isch d party vrbii
I gesehs schwarz uf wiss, ds isch iz au so gsi
Keni sunntige meh, todverstriche vordr glotze
Ke buchweh, di haubzuene ouge bluet ungerloffe
D nacht nüt aus es schwarzes loch i dim chopf isch
Fründe alüte wüsse was gester gnau abgloffe sig
Ab hüt isch party vrbii
I tragese z grab, keni blueme, ke pfarrer ke wi

När gö d liechter a, u dr club isch läär u stinkt
Di letschti rundi scho lägnscht verbi, vor dir ligt dini stadt wines stärbends tier
Wöu irgendeinisch gö haut omau d liechter a, u dr club isch läär u stinkt
Di letschti rundi scho länscgt verbi, vor dir ligt dini stadt wines stärbends tier

Wöu si weiss ab hüt isch party vrbi
Si isch nur no liisli u suber ,tribt iri junge i wahnsinn
Wuet muess use wuet muess wäg usem buch
Doch statt ne ruum zgä hetztmese gägänand uf
Doch ab hüt intressiert mi ds nümme
Wosech eh nur jede um di eigeti schissi kümmert
Für mi wird's iz mau zit chürzer zträtä
Mi zrügg zrüggg zbesinne uf würklechi wärtä
Ab hüt isch party vrbii
La vergangnig la vergangnigs si, fauts o nid liecht
Aus wodmer blibt isch über mi schatte z springe
Mit mir iz reine cho, vergiss di aute gschicht
I wirf mis handy weg, kündige z internet
Schrib wider briefe, säg o mau hüt blibi lieber daheim
Si heinis versklavt unger grät u maschine,
D party isch vrbi spätischtens ize

När gö d liechter a, aber du bisch scho lang daheim
Hesch dini gliebti im arm, si strichdr dürs haar u aus isch ok
Du bisch wider daheim
Gö o mau d lichter a aber du bisch scho lang daheim
Duss singesi lieder u polizei sammlet wider betrunkni vom pflasterstei