El Rey De Francia Lyrics & Chords By Azam Ali

El Rey de Franzia
Tres hijas tenía
La una lavrava
La otra kuzía

La mas chika de eyas
Bastidor hazía
Lavrando lavrando
Sueno le kaía

Su madre ke la vía
Aharvar la kería
`No m'aharvesh mi madre
Ni m'aharvaríash

Un suenyo me sonyava
Bien y alegría'
`Suenyo vos sonyavash
Yo vo' lo soltaría'

`M'aparí a la puerta
Vide la luna entera
M'aparí a la ventana
Vide la estreya Diana

M'aparí al pozo
Vide un pilar d'oro
Kon tres pasharikos
Pikando el oro'

`La luna entera
Es la tu suegra
La estreya Diana
Es la tu kunyada

Los tres pasharikos
Son tus kunyadikos
Y el pilar d'oro
El hijo del Rey, tu novio.