Er War Aus Landshut Lyrics & Chords By Hans Söllner

Er war aus Landhut und sei Voda war a Bauer
und er wuit oiwei scho in die große Stadt
Und mit am Walkman von Sony is a los zogn
und in seim Hosnsack die letzten 15 Mark
Er kimmt in Minga o am Bahnhof an am Sonntag
da lernt a d Irmgard kenna und de spritzt Heroin
Am selben Dog hots eam no zoagt wia ma des macht
und für 10 Mark is a die ganz Nacht bei ihr bliebm
Er hat schnell glernt wia ma si durchschlagt in da Großstadt
er sitzt vorm Kaufhof mit am Huad und bettelt um Geld
Und wenn die Irmgard abnds durchgfickt in sei Bett steigt
dann träumens Arm in Arm von da großen Welt
aber die Träume san schnell aus tramt eines Tages
da kimmt die Irmgard hoam und sagt dass schwanger is
und nach am Schuss und a paar Schelln da hot ses gschnoit
des kind muas weg weil neamd woas wer da voda is
von Dog zu Dog werd Irmgard jetz a bissal dicker
und mit am Bauch verdienst koa Geld draus auf da Strass
aber koa Paragraph koa Doktor hilft koa Richter
und für eana Stoff ham de paar Mark grod no glangt
10 Monat später kimmt in am Krankenhaus in Schwabing
1 Monat später a Kind auf d Welt 2 Kilo z leicht
mit blaue Fias und rote Augn und auf Entzug
herst as vom Brutkasten raus wochenlang bloß schrein
a kloana Bua wars gwen 3 Monat is a oid wordn
und die drei Monat hat a bloß bettelt gschrien und greart
schnell hams n tauft damit die arme sei a Rua hot
aber da Weigl und da Pabst de zwoa ham nix ghert
schnell hams n tauft damit die arme sei a Rua hot
he Leid
aber da Weigl und da Pabst ham nix ghert