Hoffnig Lyrics & Chords By Oli Second
Weder luege mer ome, gsänd we fescht mer üs verrent hend
i euses Deng verbesse, we Kids wo vomne Trend beschtemmt send,
d Entwecklig vor Gsellschaft zeigt ganz klar,
in Rechtig vo zvell Macht för de Staat,
d Tendenz zor Kontrolle nemmt zue ond zwor gnadelos,
dekadent setze di Obre in aller Rueh zom Gnadestoss
gög jede Gedanke anes solidarischs Läbe a,
produziere Angscht, as ob me ohni garn ned Läbe cha.
Ond mer kämpfe gäg es Gsetz, au wens gar ned om das Gsetz goht,
wär Rächt au Grächtigkeit, wäred alli Rechter gsetzlos!
Mer ergrife s Referändom as wärs di wechtigschti Ufgab,
z frede met dem Wäg, we de Jacko met sinre Hutfarb.
Üchi Zettel ond Urne hend mi nie meh as beloschtigt,
ech kämpfe ned om Stemme, ech kämpf oms Bewosstsi
vo Mönsche ond wenn mer de Platz det en verwehrt bliibt,
fend i Halt i Sound ond Crowd wo uf dem Wäg met mer send
Wo send mini Lüt - säged hender no Hoffnig?
Mer hend erscht agfange kämpfe, ond wes ändet esch offe!
D Revolte zeigt Werkig, emmer wennd was us Liebi machsch,
so esch d Liideschaft di triibend Chraft wenni a mine Liederschaf
Mini Botschaft esch alt: Chopf id Höchi Fuscht id Loft,
ohni Hoffnig schtöchi statt uf de Böhni uf de Brogg
D Stadt esch chalt, oft fühlsch di einsam,
Gsellschaft macht chrank, aber Hoffnig esch heilsam
E mach mer halt Gedanke, wenn i dere Stadt mini Ronde dräie,
fass si zäme, ond reime, öber ongreimtheite,
so chömed di wohre Gfühl i mer im Asatz zom Usdrock,
wenni i d Wält lueg wes en Maat macht im Usgock,
di störmischi See, schtörti mi ned,
aber wenn de Captain gnau so gschtört esch wen ech
ond sech doch im Schtür verbisst, frog mi wieni das verdient ha,
öb rächts oder lenx, man, ech be ned regierbar!
schloh d NLZ uf, gseh verbale Dönschess,
allgägewärtig we ir Stadt d Chläber vom Böndniss.
Was e Mönsch esch, werd do vom Gäld beschtemmt,
doch mönschlech im Mönsch gets, nor bliitbt er sälbschtbeschtemmt.
Ech weiss s esch en Tatsach, dass die d Staatsmacht grad abschafft,
dromm werds Ziit dass me Krach macht we ber Tagwacht ar Fasnacht
ond wenn wörkli öber s Gfühl hett, dass de hender de Senn fählt,
chanergrad so guet uf- ond de SVP sini Stemm gäh!