La Circunvalaziun Lyrics & Chords By Nanni Svampa

La stava in Montenero al numer vintitrii
l'andava a lavorà col tramm tucc i dì
l'era bella, bianca e rossa, l'era on bellee
la faseva i sò des dì de feri anca lee.
Ma a furia de ciappà la circonvalazion
la ciappa ona sbandada de fà impression:
l'ha cominciaa a filà in del '59
cont on bigliettari del numer 29.
Settada in fond al tramm la va pu a lavorà
per staggh semper adree, per 'vegghel taccaa.
Settada semper lì, vesin al baracchin,
lu el droeuva 'na man solla per sbusà i tesserin.
La stava in Montenero e adess la veden pu
brutta, grisa e smorta compagn de lu
e quand che passen via indove la stava lee de cà
la mamma la ghe da su 'n quaicoss de mangià.
E adess vegnen giò pu, hinn semper lì taccaa
e se regorden nanca de quand che hann cominciaa.