Oh Mia Bella Madonnina Lyrics & Chords By Giovanni D'anzi

A disen: "La canzon la nass a Napoli"
e certament gh'hann minga tutt i tort.
Surriento, Mergellina, tutt i popoli
j'avrann cantaa almen on milion de voeult.
Mì speri che se ofendarà nissun
se parlom on ciccin anca de nun!
O mia bella Madonnina
che te brillet de lontan
tutta dora e piscinina
tì te dominet Milan.
Sott a tì se viv la vita
se sta mai coi man in man.
Canten tucc "Lontan de Napoli se moeur!"
ma poeu i vegnen chì a Milan.
Adess gh'è la canzon de Roma maggica,
de Nina, er Cupolone, Rugantin;
se sbatten in del Tever, robba tragica!
Esageren, me par, on ciccinin.
Speremm che vegna minga la mania
de mettes a cantà "Malano mia"!
O mia bella Madonnina
che te brillet de lontan
tutta dora e piscinina
tì te dominet Milan.
Sì, vegnii senza paura:
nun ve slongaremm la man!
Tutt el mond a l'è paes, e semm d'acord,
ma Milan... l'è on gran Milan!